មួយម៉ឺនហេតុផល
មួយម៉ឺនហេតុផល
ច្រៀងដោយៈ ព្រាប សុវត្ថិ
ផលិតកម្មៈ រស្មីហង្សមាស
១. ទោះបីជាបងលើកហេតុផល មួយម៉ឺនហេតុផល ក៏និមលមិនយល់ចិន្តាស្រពោន
ការសម្រេចចិត្តរបស់អូន ដូចកាំបិតចាក់ដោតពេញដើមទ្រូងឈឺចាប់ពេកក្រៃ
អូនប្រាប់ថាស្នេហ៍អស់និស្ស័យ តើហេតុអ្វី ហេតុអ្វីទៅ ?
២. មិនគួរទេ មាសមេ មិនគួរឲ្យជឿសោះ ថាពាក្យគ្រោតគ្រាតទាំងអស់ចេញពីមាត់ស្រី
បបូរមាត់ដ៏ល្អប្រពៃ ធ្លាប់បំពេរលួងលោមហរទ័យគួរឲ្យស្ដាប់ណាស់ពៅ
ហេតុអ្វីពាក្យ ព្រាត់ប្រាស់អាស្រូវ ម្ដេចអូនត្រូវហ៊ានពោលហ៊ានវាចារ ?
បន្ទរ១: បើសិនអូនអាចព្រមទទួលយកនូវហេតុផល ម្លេះអូនយល់ពីចិន្ដា
ចុកចាប់កកឈាម ស្ទើរតែក្ស័យសង្ខារ ស្រក់ទឹកនេត្រា បងដឹងថាអស់ខ្លឹមសារចំពោះអូនទៀត។
បន្ទរ២: ពាក្យពេជ្រម៉ឺនសែន កកណែនពេញក្នុងទ្រូងរៀមរា មិនអាចហារស្ដីរៀបរាប់
ដល់ទីបំផុតស្រលាញ់ក្លាយជាស្អប់ ដល់ទីបញ្ចប់ស្នេហ៍ត្រូវចប់ក្រោមចិត្តក្បត់កំណត់សាវា សាវា… ។
ច័ន្ទចរចែងចិត្ត
ផលិតកម្ម:HM
ច្រៀងដោយ:ព្រាបសុវត្ថិ
១. ច័ន្ទចរលីលា ខ្ពស់កប់វេហាមានតែមួយ
ហេតុអ្វីយប់នេះខ្ញុំរែងព្រួយ រលេះរលួយព្រួយតែម្នាក់ឯង
បេះដូងស្ងាត់ស្ងប់ ឥឡូវត្រលប់ខ្វាយខ្វល់មិនលែង
ទន្ទេញសួរសាកខ្លួនឯង ចំបែងព្រោះតែនរណា ។
២. មេឃាល្វឹងល្វើយ មានតែអ្នកហើយទើបយល់បាន
យល់ពីបេះដូងធ្លាប់សុខសាន្ត ជ្រុលជ្រួសចូលដានទំនាយស្នេហា
ចិត្តចេះច្រណែន ចេះលួចប្រច័ណ្ឌប្លែកខុសធម្មតា
បានគយគន់ដួងច័ន្ទថ្លា ច័ន្ទថ្លាចរចែងចិត្តស្នេហ៍ ។
បន្ទរៈ ច័ន្ទចរចែងចិត្ត ចែងចិត្តផ្ដួចផ្ដើមស្នេហា
ភ័ក្ត្រស្រស់កន្និដ្ឋា ចិត្តរៀមក្រំក្រៀមប្រួលប្រែ
ប្រាណទាបហៀបតោង ដៃខ្លីឈូងប៉ងស្នេហ៍
បេះដូងទំនេរ សុំផ្សងស្នេហ៍នឹងថ្លៃ ។
៣. ច័ន្ទចរគ្រឿនៗ ហាក់ដូចជួយតឿនបេះដូងបង
ខំច្រៀងផ្គាប់ចិត្ត ស្រស់ទងវង រាយទំនុកចងបេះដូងពិសី
ផ្កាយរះពេញមេឃ សូមអ្នកកុំជ្រែកបំបែករូបស្រី
ស្នេហ៍ដំបូងខ្ញុំហ៊ានក្ស័យ ស៊ូក្ស័យព្រោះស្នេហ៍ស្រីហើយ ។
ក្តីស្នេហ៍មិនព្រាត់
ព្រះចន្ទ
បទៈ ចន្ទ
ច្រៀងដោយៈ ឱក សុគន្ធកញ្ញា, ឃុំ ប៉ុណ្ណាដែត
(កញ្ញា) ទោះស្នេហ៍បានជួបតែពេលរាត្រី ក៏ស្នេហ៍ពិសី
១. (ដែត) ឃើញដួងចន្ទរះខ្ពស់ហួសឆ្ងាយវេហាស៍
ហត្ថាបងខ្លី ស្រមៃឈោងចាប់ មិនដល់
យប់ស្ងាត់ យាងទៅកើតក្ដីអំពល់
ចិត្តបងសោកសល់ ខ្លាចចន្ទមិនប្រណី។
២. (ដែត) ចន្ទដូចអូន ស្ងួនល្អលើសស្រីលោកា
ឯបងនេះណា បីដូចទន្សាយឆ្ងាយក្រៃ
រង់ចាំថ្ងៃចន្ទរះពេញបូរមី
បំភ្លឺលោកីយ៍ ជំនួសសែងសូរិយា។
៣. (រូម) ចន្ទ! អើយចន្ទ! កុំចោលវេហាស៍
ស្រក់ទឹកនេត្រា បើវាសនាឆ្ងាយចន្ទថ្លៃ
អ្នករះសែនខ្ពស់ លើនភាល័យ
មិនដឹងថាថ្ងៃ ណាថ្លៃមេត្តាដល់ប្រុស។
៤. (ដែត) គង់មានថ្ងៃដែលចន្ទនឹងចាកចេញទៅ
តែចិត្តបងនៅចងចាំមិនប្រែពីថ្លៃ
ទោះស្នេហ៍បានជួបតែពេលរាត្រី
ក៏ស្នេហ៍ពិសី ស្នេហ៍លុះជីវិតសូន្យ។
ភ្លេងរួចច្រៀងវគ្គទីបី និង ទីបួនឡើងវិញ។
បញ្ចប់. (រួម) ទោះស្នេហ៍បានជួបតែពេលរាត្រី
ក៏ស្នេហ៍ពិសី ស្នេហ៍លុះជីវិតសូន្យ។
មតិថ្មីៗ